Завхан аймгийн хэмжээнд 2020 оны эхний хагас жилд нийт 137 гэмт хэрэг бүртгэгдсэн нь өмнөх оны мөн үеэс 8.7 хувиар өссөн үзүүлэлттэй байна. Өмчлөх эрхийн эсрэг гэмт хэрэг 62 бүртгэгдсэн нь 3.2 хувиар буурч, үүнээс хувийн өмч хулгайлах гэмт хэрэг 32 бүртгэгдсэн нь өмнөх оны мөн үетэй харьцуулахад 2 хэргээр, авто тээврийн хэрэгсэл хулгайлах гэмт хэрэг 3 хэргээр тус тус өсчээ. Иймд иргэд та бүхэн өөрсдийн эд зүйлээ хулгайд алдахаас сэргийлж, сонор сэрэмжээ дээшлүүлэхийг Завхан аймаг дахь Цагдаагийн газраас анхааруулж байна.