Тус цагдаагийн газраас цэргийн байнгын тэтгэвэрт гарч буй алба хаагчдадаа хүндэтгэл үзүүлэх ёслолын ажиллагааг 2018 оны 12 дугаар сарын 04-ны өдөр зохион байгууллаа. Цагдаагийн албатай ажил амьдарлаа холбон эх орон, ард түмэндээ өргөсөн тангарагтаа үнэнчээр зүтгэж, олон жил үр бүтээлтэй ажиллаад гавъяаны амралтанд гарч байгаа алба хаагчдаа нийт бие бүрэлдэхүүн байлдааны тугийн дор жигдэрч, ёслолын жагсаалаар алхаж ёслол төгөлдөр хүндэтгэж жагслаа. Цагдаагийн газрын дарга, цагдаагийн хурандаа С.Цэрэнсамбуу алба хаагчдад дурсгалын зүйл гардуулан өгч, цаашдын амьдрал үйлсэд нь амжилт ерөөлөө.
     Алба хаагчдадаа сайн сайхан бүхнийг хүсэн ерөөе монголын цагдаагийн босоо цагаан хийморь мөнхөд мандан бадрах болтугай.