Зуны цагт өвлийн дугуйтай явж болох ч машин хурд аван давхихад илт чимээ шуугиантай байхаас гадна өвлийн дугуй зуны халсан асфальт дээр амархан элэгддэг. Зуны дугуй усан хээтэй байхаас хадна маш хатуу резинээр хийгдсэн байдаг. Тийм учраас элэгдэлт бага чимээ шуугиангүй байдаг байна. Дугуй нь тодорхой хэмжээнд чийглэг агуулж байдаг. Хайхрамжгүй хадгалснаас үүдэж дугуй чийгээ алдаж улмаар язрах, хагарах, буудах зэрэг зүйлүүд илэрдэг бөгөөд хөдөлгөөнд оролцох үед таны амь насанд ч аюултай юм. Иймд дугуйг зөв сонгож хэрэглэх нь чухал гэдгийг сануулъя.