Та аав, ээж болсон бол таны амьдрал зөвхөн таных биш болсныг ойлгоорой. Таны гаргах шийдвэрээс үр хүүхдийн чинь амьдрал хамаарна. Монгол Улсын Гэр бүлийн тухай хуулийн 10 дугаар зүйлийн 10.3 дахь хэсэгт: “Гэрлэгчид нь бие биедээ үнэнч байх, хүүхдээ өсгөн хүмүүжүүлэх, гэр бүлийн гишүүд нь бие биеэ халамжлах, хүндэтгэх, тэжээн тэтгэх, туслах, гэр бүлд шаардагдах эдийн засгийн нөхцөлийг бүрдүүлэх, хэн нэгнийхээ эрхийг зөрчихгүй, бие биеэ аливаа хэлбэрээр хүчирхийлэхгүй байх, угийн бичиг хөтлөх үүргийг адил хүлээнэ” хэмээн эхнэр, нөхрийн эрх, үүргийг заасан.